^ Back to Top

Шок: У Мінску прадаюць сушанага Цмока! (фота)

-- Гэта проста нейкі жах! -- плакала ў слухаўку нашая чытачка Валянціна Гузік. -- Я не паверыла сваім вачам! Цяпер я буду баяцца хадзіць у тую краму!.. Як яны маглі!..

Мы неадкладна выехалі на месца.

Самыя страшныя чаканні апраўдаліся... На вітрыне ляжаў ён, Цмок. Цынічна зашыфраваны пад "рыбу-цмока".

Мы здзейснілі кантрольную закупку. Але, натуральна, і ў думках не было паспытаць, які Цмок на смак. Пакецік быў перададзены куды трэба.

-- Цмокавым камітэтам па гораду Мінску распачатая праверка паводле дадзенага факта, -- паведаміў нам прэс-аташэ камітэта Макар Цмочкін. -- Закуплены вамі матэрыял адпраўлены на экспертызу.

Тым часам, сушаны Цмок дагэтуль не выняты з продажу. Паводле словаў прадавачкі, гэты тавар карыстаецца папулярнасцю.

Мы будзем сачыць за развіццём падзеяў.