Цмок заўважаны ў Любляне і Лондане (фота)

Пакуль у Беларусі ідзе жніво, сваякі нашага Цмока (ці ён сам?..) заўважаюцца па ўсёй Еўропе!

Пісьменнік Уладзімір Сіўчыкаў даслаў некалькі здымкаў з подпісамі.

Цмокі хораша, па-гаспадарску пачуваюцца па ўсёй Еўропе, да прыкладу, на мастах Любляны.

Фота Махмуда Салімана

Маркетолаг і журналістка Алеся Сіўчыкава (на фота) адшуквае цмокаў ня толькі ў высакагорным Непале, але і ў брытанскай сталіцы Лондане.

Калі згадаць, што нашыя князі ды каралі былі ў сваяцтве з манаршымі еўрапейскімі дварамі, а кароль Чарльз І Сьцюарт даваў баль і ладзіў паляваньне ў гонар князя Багуслава Радзівіла, дык чаму не дапусьціць, што і цмокі з туманнага Альбіёна -- сваякі нашым, беларускім?

Дасылайце свае цмачыныя навіны на адрас belaruskicmok@gmail.com!