^ Back to Top

Майстры вырабілі копію віцебскага цмока-абярэга 12 стагоддзя! (фота)

Цмок працягвае крочыць па Беларусі! Ліцейная Майстэрня "Ligas" прапануе штукарскага Цмока са сваёй калекцыі "Тутэйшыя абярэгі".

-- Гэта копія абярэга 12-13 стст. знойдзенага ў Віцебскай вобласці, вырабленая з латуні, кажа Юры Міхно з майстэрні "Ligas". -- Падвеска з выявай цмока ў форме лунніцы з’яўляецца жаночым абярэгам. Цмок аб’ядноўвае стыхіі неба і зямлі, а таму ўспрымаўся як уладар усёй прыроды. Сімвалізуе першасны непадзельны стан Сусвету. Адмыслова звязаны з вадой, з’яўляецца стваральнікам балансу паміж водамі зямнымі і нябеснымі.  Часта выступае ў якасці рамесніка, што сімвалізуе стваральны пачатак. У паданнях прасочваюцца некаторыя функцыі цмока па ахове парадку ў грамадстве. Таксама ягоны вобраз у пэўнай ступені звязаны з эратычнай сімволікай. Абярэг з выявай цмока абараняе ад злых сілаў, а таксама забяспечвае моц і здароўе, поспех у справах.

Дасылайце і вы свае цмачыныя весткі на адрас belaruskicmok@gmail.com!